نىمە دەپ رەنجىيمەن ھايات سىنىڭدىن (شېئىر)

admin

نىمە دەپ رەنجىيمەن ھايات سىنىڭدىن

(ئاپتورى:نامەلۇم)

نىمە دەپ رەنجىيمەن ھايات سىنىڭدىن،
ئۆزگىدەك ئۆزۈمنى سۆيمىگەن تۇرسام.
نىمە دەپ زارلايمەن سىناقلىرىڭدىن،
مەن تىخى ئۆتكەلدىن ئۆتمىگەن تۇرسام.
نىمە دەپ رەنجىيمەن ئۆزۈمدىن يەنە،
ئۆزۈمگە ئۆزۈمدەك  كۆيمىگەن  تۇرسام.
نىمە دەپ رەنجىيمەن ئۆزگىدىن  يەنە،
ئىشىنىپ سىر بەرگەن دەل ئۆزۈم تۇرسام.
نىمە دەپ رەنجىيمەن يالغۇزلۇقۇمدىن،
بۇ يولنى  تاللىغان ھەم ئۆزۈم تۇرسام.
نىمە دەپ رەنجىيمەن كۆز ياشلىرىمدىن،
يىغلاتقان گۇناھكار دەل ئۆزۈم تۇرسام.  
نىمە دەپ زارلايمان كىرپكلىرىمدىن  ،
ئۇيقىسىز تاڭلارغا باشلىغان تۇرسام.
نىمىشقا كۈلمەيمەن تىلىقىپ بىررەت،
مەنمۇ ھەم كۈلۈشكە يارالغان تۇرسام.